KWA MAONI AU USHAURI E-mail: inocomm2014@gmail.com, PIGA SIMU: 0714555668

www.utt-pid.org


TEMBELEA: www.utt-pid.org

May 19, 2018

MAGAZETI YA LEO JUMAMOSI MEI 19 2018

JESHI LA MAGEREZA LAMJIBU SUGU

Jeshi la Magereza nchini limekanusha taarifa zilizoibuliwa na Mbunge wa Mbeya Joseph Mbilinyi kuhusu kukosekana kwa sare za wafungwa zaidi ya 600, katika gereza la Ruanda alipokuwa amefungwa.

Msemaji wa Jeshi hilo Lucas Mboje, amesema kwamba sio kweli kwamba wafungwa hawana sare na hakuna kitu kama hiko, isipokuwa kuna mahabusu ambao wapo mule wakiendelea kusubiri kesi zao, na ndio huenda ambao aliwaona bila sare.

“Hiko kitu hakipo, halafu asichanganye mambo, kuna mahabusu ambao wao wanajulikana kwa mujibu wa sheria hawavai sare, sasa asichanganye, mtu akishafungwa inajulikana lazima avae sare, sasa kuna mahabusu pia, sio kweli kama kuna tatizo la sare hakuna mtu anakosa sare, hebu fikiria wafungwa karibia 600 kwenye gereza moja wakose sare ni kitu ambacho hakiwezekani, hiyo itakuwa ni issue nyingine”, amesema Lucas Mboje.

Mbunge Joseph Mbilinyi (Sugu) alipotoka jela kwa msamaha wa Rais alisema kwamba alilazimishwa kuvaa sare za jela wakati kuna watu amewakuta gerezani zaidi ya mia 6 wamekosa sare na wapo mule ndani.

May 18, 2018

WAZIRI: WAHITIMU ELIMU YA JUU NI WENGI KULIKO AJIRA


SeeBait
Naibu waziri Ofisi ya Waziri Mkuu,Kazi, ajira na watu wenye ulemavu Mh. Antony Mavunde amesema kuwa Serikali inatambua kuwa wahitimu wa Elimu ya juu ni wengi kuliko mafasi za ajira.

Waziri Mavunde ametoa kauli hiyo bungeni leo wakati akijibu swali la Hadija Ally Mbunge viti maalum (CCM) lililohoji serikali imepanua fursa kwa kuongeza vyuo vikuu nchini, je ni kiasi gani mfuko wa vijana unaweza kuwanufaisha walengwa ikizingatiwa kuwa tatizo la ajira ni hali halisi inayowakabili vijana.

Mavunde amesema “Nafasi za ajira zinazotengenezwa kwa mwaka zimekuwa ni chache kuliko wingi wa vijana hivyo basi serikali imeanza kuwabadili mitazamo kuwa sio wote wanaoweza kukaa maofisini bali wanaweza kutumia uwezo wao na kujiajiri katika sekta za kilimo na shughuli nyingine halali zinazoweza wapatia kipato”.

Waziri mavunde ameongeza kuwa Mfuko wa Maendeleo ya vijana umeweza kufikia vikundi 397 ambapo zaidi ya Bilioni nne zimekwisha tumika kuwezesha vijana kiuchumi.

MBUNGE AHOJI SERIKALI KUNG'ANG'ANIA NG'OMBE JIMBONI KWAKE


SeeBait
Mbunge wa Itilima, Njalu Silanga (CCM), amehoji ng’ombe 339 katika Jimbo lake kuendelea kushikiliwa na Serikali wakati mahakama iliamuru waachiwe huru.

Akichangia bajeti ya Wizara ya Mifugo na Uvuvi, Silanga amesema wafugaji wameteseka hususani wa kando kando ya hifadhi huku akitaka miundombinu katika minada iboreshwe ili iwasaidie wafugaji kusafirisha mifugo.

“Kwenye Wilaya yangu ya Itilima ng’ombe 339 wa wafugaji wanashikiliwa na serikali waKati mahakama iliamuru  waachiwe, mambo haya yapo kisheria lakini tunadhulumiwa baadhi ya vyombo vinazuia ng’ombe zetu Waziri tusaidie kwanini jambo hili linaendelea.

“Ukiachilia mbali suala la ng’ombe, katika maeneo yetu hatuna miundombinu mizuri nia yetu ni ya dhati lakini lazima msaidie wafugaji lakini pia nikupongeze Waziri kwa mipango yako ya kuhakikisha Kiwanda cha Shinyanga kinafanya kazi,” amesema Silanga.

SPIKA NDUGAI AWASHAURI VIJANA WAGOMBEE UDIWANI NA UBUNGE KUKABILIANA NA TATIZO LA AJIRA


SeeBait
Spika wa Bunge la Tanzania mheshimiwa Job Ndugai amewataka vijana nchini kugombea nafasi mbalimabali  za uongozi ikiwemo udiwani na ubunge ili kutatua tatizo la kukosa ajira kutokana na kukosa uzoefu.

Spika Ndugai amesema hayo Bungeni leo, Mei 18, 2018 baada majibu ya Waziri wa nchi Ofisi ya Waziri Mkuu Sera na Bunge, Jenista Mhagama, kutokana na swali la mbunge wa viti maalumu Zainab Katimba aliyetaka kujua mkakati wa Serikali katika kutatua tatizo la ajira kwa vijana wasomi wasikuwa na uzoefu.

“Asante sana Waziri wa nchi kwa majibu ya nyongeza, Vijana wasomi, zipo kazi nyingine hazihitaji uzoefu, mnaweza mkagombea Udiwani, mkagombea Ubunge, nawatangazia vita waheshimiwa hapa” amesema Spika Ndugai.

Awali Naibu Waziri, Sera, Bunge, kazi, vijana, ajira  na walemavu Anthony Mavunde amesema kwamba serikali imeendaa utaratibu wa kuwapa vijana nafasi za kujitolea katika makampuni na mashirika mbalimbali ili kupata uzoefu wa kuweza kuajiliwa

“Kupitia mpango huu utawasaidia sana vijana wasomi  wa nchi yetu ambao walikuwa wakipata tabu na kikwazo cha uzoefu, kwa hivi sasa atapata nafasi ya kujifunza katika kampuni kwa muda huo wa mwaka mmoja na badae tutampatia cheti cha kumtambua ili iwe kama kiambatanisho chake” amesema Naibu Waziri Mavunde.

SETHI AGOMA KUVULIWA MADARAKA IPTL


SeeBait
Siku chache baada ya kuondolewa katika Bodi ya Wakurugenzi ya Kampuni ya Kufua Umeme ya IPTL, mfanyabiashara Herbinder Sethi ameeleza kusikitishwa kwake na hatua hiyo, huku akisema hautambui uongozi mpya uliowekwa madarakani.

Uamuzi wa kumwondoa Sethi katika bodi ya wakurugenzi ambayo pia ilimvua uenyekiti wa IPTL, ulifikiwa baada ya kushindwa kushiriki na kuhudhuria mikutano ya bodi kwa miezi sita mfululizo bila ruhusa, tangu Juni 19, 2017 alipokamatwa na kushtakiwa.

Mahakama ya Hakimu Mkazi Kisutu ilimsomea Sethi mashtaka 12 ya uhujumu uchumi, utakatishaji fedha na kuisababishia Serikali hasara ya Dola 22.198 milioni za Marekani (Sh309.5 bilioni).

Hata hivyo, taarifa kutoka kwa wakili wake, Hajra Mungula iliyotolewa jana kupitia mitandao ya jamii ilisema Sethi hatambui mabadiliko ya uongozi uliowekwa na kwamba yeye ni mmiliki halali wa IPTL ambayo kimsingi inamilikiwa na kampuni anayoimiliki ya Pan African Power Solutions (PAP).

“Pamoja na kuagiza wanasheria wake kuchukua hatua za haraka za kisheria, Mwenyekiti Sethi pia hana taarifa zozote juu ya mabadiliko hivyo anapenda kuutaarifu umma wazipuuze taarifa hizo kwa kuwa hazitokani na mamlaka halali ya kisheria ya kampuni hiyo,” ilisema taarifa ya Mungula

Mungula alisema mabadiliko hayo yamekwenda kinyume na notisi ya katazo la Mwanasheria Mkuu wa Serikali la Februari 12, 2018 lenye kumbukumbu Na. AGS234 lililozuia aina yoyote ya uhamishaji wa mali na umiliki wa mali za IPTL.

“Kimsingi mabadiliko hayo batili yanaathiri na kwenda kinyume na maelekezo ya Serikali.

“Pamoja na kwamba Mwenyekiti bado yuko mahabusu akituhumiwa kwa mashtaka kadhaa ya jinai, hiyo haiondoi ukweli kuwa IPTL ni kampuni binafsi yenye wamiliki halali wenye hisa halali, hivyo haiwezekani kwa mtu asiyehusika na asiye mwanahisa kutangaza mabadiliko ya uongozi bila kufuata taratibu zilizopo kisheria,” alisema Mungula.

Alisisitiza kwamba licha ya Sethi kuwa na mashtaka ya jinai yanayomkabili, lakini Watanzania wajue bado kampuni hiyo iko chini ya usimamizi salama wa PAP na kwamba madeni yote, madai ya mali na stahiki zote zinazohusiana na kampuni hiyo zipo katika mikono salama.

UTAFITI TWAWEZA: WANANCHI 9 KATI YA 10 WAKO TAYARI KULIPIA ADA WAKIHAKIKISHIWA ELIMU BORA


SeeBait
Mitazamo ya wananchi kuhusu elimu bure imebadilika kwa kiasi kikubwa ndani ya miaka 12 iliyopita: mwaka 2005, zaidi ya nusu ya wananchi (56%) walisema kuwa ‘ni bora elimu itolewe bure kwa watoto wetu, hata kama kiwango cha elimu ni cha chini’.

 Mwaka 2017, wananchi 9 kati ya 10 (87%) wanasema ‘ni bora tukaongeza viwango vya elimu, hata kama itatulazimu kulipa ada.’ 

Wananchi 9 kati ya 10 (87%) wangependa serikali itumie fedha kwenye mpango wa kutoa mafunzo na kuwasaidia walimu kuliko kugawa sare za shule bure ikilenga kuwaondolea wazazi mzigo wa kununua sare hizo.

Matokeo haya yametolewa na Twaweza katika utafiti wake uitwao Elimu Bora au Bora Elimu? Elimu waitakayo watanzania. Matokeo ya muhtasari huu yanatokana na takwimu za utafiti wa Sauti za Wananchi, utafiti wa kwanza barani Afrika wenye uwakilishi wa kitaifa unaotumia simu za mikononi. 

Matokeo haya yanatokana na takwimu zilizokusanywa kutoka kwa wahojiwa 1,786 kutoka maeneo mbalimbali ya Tanzania Bara (Zanzibar haihusiki kwenye utafiti huu) kati ya mwezi Septemba na Oktoba 2017.

Utafiti huu umebaini kwamba ni wazazi wachache sana huzingatia ada nafuu (6%) na umbali wa shule (18%) wakati wa kuchagua shule za sekondari kwa ajili ya watoto wao. Badala yake wazazi wengi huzingatia zaidi viwango vya juu vya ufaulu wa shule husika (asilimia 72) na walimu wanaojituma (asilimia 72 pia). Wazazi wanataka elimu bora na wameonesha utayari wa kuigharamia.

Idadi ya kaya zinazowapeleka watoto wao kwenye shule za binafsi (asilimia 10) haijabadilika kati ya Agosti/Septemba mwaka 2016 na Septemba/Oktoba 2017. 

Hata hivyo, uandikishaji wa watoto kwenye shule binafsi hutofautiana kutoka na ngazi ya elimu, wazazi 3 kati ya 10 (27%) huchagua shule binafsi kwa ajili ya elimu ya awali na 2 kati ya 10 (17%) kwa ngazi ya sekondari ukilinganisha na mzazi mmoja kati ya kumi (7%) wanaoandikisha watoto wao kwenye shule za msingi za binafsi.

Hata hivyo, wazazi wanajitahidi kutekeleza majukumu yao: zaidi ya wazazi 5 kati ya 10 (53%) walichangia ujenzi wa shule mwaka uliopita; 4 kati ya 10 (38%) walitoa fedha, 1 kati ya 10 (18%) walichangia nguvu kazi na 1 kati ya 10 (9%) walitoa vifaa. 

Na kwa kawaida wazazi pia hulipia vifaa kama vile vya kuandikia (98%), sare za shule (75%), mabegi ya shule (26%) na vitabu (15%). Zaidi, 85% wanasema walikutana na walimu wa watoto wao angalau mara moja au mbili mwaka uliopita, ukilinganisha na 79% waliofanya hivyo mwaka 2016. Wazazi wengi zaidi (30%) wana uwezekano wa kukutana na walimu kila baada ya miezi michache ukilinganisha na mwaka 2016 (21%).

Zaidi ya nusu ya wazazi wnalipokea jukumu la msingi la kuhakikisha watoto wanajifunza japokuwa idadi kubwa kidogo (46%) pia wanasema jukumu hilo ni la walimu. 

Hakuna mzazi aliyesema jukumu la watoto kujifunza ni la maafisa elimu, wanasiasa au yeyote serikalini. Na pale walipouliuzwa ni kwa namna gani wanausaidia uongozi wa shule, wazazi wengi (52%) walizungumzia jukumu lao katika kuwaadhibu watoto wao na wengine wachache wakitaja ushiriki wao kwenye harambee za kuchangisha fedha (22%), kufuatilia mahudhurio ya walimu (14%) au kutoa maoni kwenye ukaguzi wa mahesabu ya shule (4%).

Mkurugenzi Mtendaji wa Twaweza, Aidan Eyakuze, anasema: “Ujumbe wa msingi wa wananchi kuhusu suala la elimu nchini ni huu: wako tayari kuilipia elimu bora kwa ajili ya watoto wao.

Mitazamo ya wananchi inaonekana kubadilika kwa kiasi kikubwa katika kipindi fulani, ikiashiria kuwa sasa wanaelewa kilichofanyika na walichopoteza. Utafiti huu unadhihirisha kuwa wananchi wanapaswa kuwa sehemu muhimu ya mjadala wa kitaifa utakaolenga kuboresha matokeo ya elimu yetu.”

PACHA MARIA NA CONSOLATA WARUHUSIWA MUHIMBILI NA KUHAMISHIWA HOSPITAL YA IRINGA


SeeBait
Hospitali ya Taifa Muhimbili (MNH) jana  imewaruhusu Maria na Consolata waliokuwa wamelezwa katika hispotali hiyo kwa zaidi ya miezi miwili kutokana na afya zao kuimarika.

Pacha hao walikuwa wakipatiwa matibabu na madaktari bingwa wa Muhimbili na jana wamepelekwa Iringa ambako watapokelewa na Mganga Mkuu wa Hospitali ya Mkoa wa Iringa.

Mkurugenzi Mtendaji wa Muhimbili, Prof. Lawrence Museru amesema pacha hao wamesindikizwa na madaktari wa Muhimbili had Iringa na kwamba wakiwa huo wataendelea kupatiwa matibabu.

 “Consolata na Maria tumewaruhusu . Hii ni baada ya madaktari kujiridhisha kwamba afya  zao zimeimarika. Wataalamu wetu wamewafanyia vipimo mbalimbali na pia tumewasiliana na wenzetu wa nje na tukakubaliana tuwaruhusu sasa,” alisema Prof. Museru.

Prof. Museru alisema kwamba pacha hao wamepatiwa machine ya CPAP & Oxygen ambayo itawasaidia kuwapatia tiba endapo watahitaji wakati wakiwa Iringa.

Wakizungungumza kwa nyakati tofauti, Consolata amesema kwamba Muhimbili imewapatia huduma nzuri na wanawashukuru wataalamu mbalimbali waliokuwa wakiwapatia matibabu tangu walipolazwa.

Naye Maria akizungumza kwa furaha amesema hivi sasa anajisikia vizuri tofauli na awali-kabla ya kupelekwa katika hispotali hiyo kwa ajili ya matibabu. Pia, amemshukuru mkurugenzi mtendaji wa Muhimbili kwa kuwapatia huduma bora za matibabu.

WASICHANA MSIKUBALI KUOLEWA NA WANAUME WENYE VIWANJA MABONDENI


SeeBait
Mkuu wa Mkoa wa Dar es salaam, Paul Makonda amewataka wanawake wa mkoani humo kutokubali kuolewa na wanaume ambao wanaviwanja mabondeni.

RC Makonda ametoa kauli hiyo jana wakati alipofanya ziara ya kukagua uharibifu wa nyumba zilizovunjika eneo la Kingugi kwa Mnyani Kata ya Kilungule baada ya wakazi kujenga kwenye maeneo yasiyoruhusiwa.

Aidha RC Makonda amewaagiza Wenyeviti wote wa mitaa kuainisha nyumba zilizojengwa kwenye maeneo hatarishi ambapo amewataka kutoruhisu watu kujenga maeneo ya mabondeni.

Katika kutafuta mwarobaini wa tatizo la wananchi waishio mabondeni RC Makonda ameandaa mkutano wa wananchi wote waishio maeneo ya mabondeni kwaajili suluhisho la kudumu.

Katika ziara alizofanya RC Makonda amejionea nyumba nyingi zikiwa zimejengwa kwenye maeneo yasiyo rasmi kiasi kwamba hata ikitokea janga la moto inakuwa vigumu Jeshi la zimamoto na uokoaji kufika na hata mgonjwa akizidiwa gafla ni vigumu kuwahishwa hospital jambo ambalo ni hatari kwa usalama.

BAADA YA ALIKIBA KUZINDUA MO FAYA, NANDY NAYE AZINDUA SABUNI NA MAFUTA


SeeBait
Ikiwa ni wiki mbili zimepita tangu msanii wa muziki wa Bongo Fleva, Alikiba kuzindua kinywaji  chake cha Mofaya, hatimaye msanii mwingine wa muziki, Mrembo Nandy naye amejitupa kwenye ujasiriamali.

Nandy amesema kuwa ameingia ubia na kampuni ya Grace Products inayojihusisha na utengenezaji wa sabuni za kuogea na vipodozi mbali mbali vya asili na yeye atakuwa ni moja ya wamiliki wa kampuni hiyo.

Akifunguka kuhusu dili hilo jana Mei 17, 2018 mbele ya Waandishi wa Habari jijini Dar es salaam, Nandy alisema bidhaa zote za vipodozi na sabuni vitakuwa na jina na picha zake na kuwataka mashabiki wake wamuunge mkono kwa kununua bidhaa zake.

NDUGAI AFURAHISHWA WABUNGE KUVAA KANZU NA HIJAB


SeeBait
Spika wa Bunge la Jamhuri ya Muungano wa Tanzania, Job Ndugai amewapongeza Wabunge kwa kuvaa Kanzu kwa wingi na kwa Wabunge wa Kike kuvaa Hijab.

Spika ametoa pongezi hizo leo, Mei 18 mapema katikati ya kipindi cha maswali na Majibu kwa serikali  ambapo pia amemsifia Naibu Spika wa Bunge kwa kuvaa Baibui na Hijab.

“Wabunge kama hatujaendelea nimefanya utafiti wangu leo watu wengi sana wamependeza kwa kuvaa Kanzu na kofia hongereni sana, tukumbuke tu kanuni tunapo vaa tunatakiwa ivaliwe vilevile kama inavyovaliwa Pwani na miguu sio kuvaa kiatu cha kamba hapana unavaa kobazi,” amesema Spika Ndugai huku akicheka na Wabunge wakimpigia makofi.

“Lakini kwa upande wa kina mama leo Hijab zimekubali, lakini katika Hijab, Hijab namba moja leo hii ni ya Naibu wangu Mh. Naibu Spika, Mh. Naibu Spika ebu simama kidogo hapo ahsante sana, hiyo inaonyesha Utanzania wetu sisi ni wamoja,” ameongeza Spika.

SERIKALI YAWATAKA WAAJIRI KUJIUNGA NA WCF


SeeBait
Serikali imeagiza kwa waajiri wote nchini kujiunga Katika Mfuko wa Fidia kwa Wafanyakazi (WCF) ulioanzishwa hivi karibuni na sheria yake kupitishwa na bunge.

Naibu Waziri wa Viwanda, Biashara na Uwekezaji Stella Manyanya amesema hali hiyo itawanufaisha  wafanyakazi wanapoumia kazini kutokana na majanga mbalimbali.

Waziri Manyanya ameyasema hayo leo Mei 18, wakati akijibu swali la Lathifa Chande Mbunge wa Viti Maalumu aliyekuwa akihoji  iwapo Serikali ina taarifa ya kukodishwa kwa kiwanda cha korosho cha Mtama Cashewnut Factory kilichopo katika Jimbo la Mtama kilichokuwa chini ya bodi ya korosho.

"Je Serikali inachukua hatua gani juu ya mazingira magumu ya wafanyakazi ambao hawana mikataba ya kazi katika kiwanda hicho ambacho kinamilikiwa na wageni," amehoji Chande

Manyanya amesema kiwanda cha kubangua korosho cha Mtama kilibinafsishwa kwa kuuza hisa asilimia 100 kwa Kampuni ya Lindi Farmers Association (LFA) ambayo ndiyo inamiliki.

Hata hivyo, amesema kufuatia umiliki huo, kiwanda hicho kilikodishwa kwa makubaliano maalumu kwa Kampuni ya Sunshine ili iweze kukiendeleza.

KESI YA TIDO YAPIGWA KALENDA HADI JUNE 8


SeeBait
Mahakama ya Hakimu Mkazi Kisutu, itaendelea kusikiliza ushahidi wa mashahidi wa upande wa mashtaka Juni 8 huu katika kesi inayomkabili Mkurugenzi mkuu wa zamani wa Shirika la Utangazaji Tanzania (TBC), Tido Mhando.

Wakili wa Takukuru, Leonard Swai jana amemueleza Hakimu Mkazi Mkuu, Huruma Shaidi kuwa  kesi  inayomkabili Tido leo ilipaswa kuendelea kusikilizwa kwa ushahidi wa  mashahidi wa upande wa mashtaka.

Lakini shahidi waliyemtarajia kutoa ushahidi katika kesi hiyo ana udhuru.

Baada ya kutolewa kwa maelezo hayo, Hakimu Shaidi ameiahirisha kesi hiyo hadi Juni 8 ili mashahidi wa upande wa mashtaka waendelee kutoa ushahidi.

Katika kesi hiyo tayari mashahidi watatu wa upande wa Jamhuri wamekwishatoa ushahidi .

 Mashahidi hao ni  Ofisa uchunguzi wa Takukuru, Victor Lesuya, Mwanasheria wa TBC, Gwakisa Mlawa na Mkurugenzi Mkuu mstaafu wa TBC, Clement Mshana.

Tido anakabiliwa na mashtaka manne ya kutumia madaraka vibaya na moja la kuisababishia Serikali hasara ya Sh887.1 milioni.

MBUNGE CHADEMA ASEMA WIZARA YA MIFUGO NI HEWA...... AAHIDI KUIFADHILI KAMA SERIKALI IMESHINDWA


SeeBait
Mbunge wa Serengeti, Marwa Chacha (Chadema) amedai Wizara ya Mifugo na Uvuvi ni Wizara hewa ambapo pia amehoji ni kwanini Serikali imekuwa ikiwanyanyasa wavuvi kwa kuwanyang’anya nyavu zao.

Akichangia bajeti ya Wizara ya Mifugo na Uvuvi bungeni jijini Dodoma jana Mei 17, wizara hiyo ilitengewa fedha za maendeleo Sh bilioni nne lakini hakuna fedha waliyopewa.

“Najiuliza kwanini wameiweka hii wizara peke yake na kuitenganisha na Kilimo au ilikuwa kuwatafutia ‘washkaji’ ulaji, maana yake ni kwamba hamtaki kusikia biashara ya wavuvi nchi hii.

“Ng’ombe 300 wamepigwa mnada ila tembo akila shamba la ekari tano mhusika analipishwa faini ya Sh 100,000 kwa ng’ombe mmoja.

“Wafugaji wetu wanapata shida mtapata hela wapi Ulega (Abdallah, Naibu Waziri wa Kilimo) mwaka uliopita hamkupewa hata 100 afadhali mje hata mimi naweza kuwafadhili,” amesema Marwa.

WAITARA AMTAKA SPIKA KUWAPATIA WABUNGE LAP TOP


SeeBait
Mbunge wa Ukonga, Mwita Waitara (Chadema), amemuomba Spika wa Bunge, Job Ndugai alieleze bunge ni lini atawagawia wabunge kompyuta mpakato (laptop) ili wasiendelee kutumia nyaraka za makaratasi wakati wa shughuli za bunge.

Amesema ugawaji wa laptop hizo kwa wabunge ni moja ya ahadi iliyotolewa na Spika Ndugai kama sehemu ya mkakati wake wa kuliboresha bunge.

Waitara ametoa hoja hiyo bungeni leo Mei 18, alipokuwa akiomba mwongozo wa Spika akitumia kanuni ya 68 (7).

Akijibu mwongozo huo, Spika Ndugai amesema atalitolea majibu suala hilo baadaye.

BULEMBO: MPINA ANA MPANGO WA KUIONDOA CCM MADARAKANI


SeeBait
Mbunge wa kuteuliwa, Abdallah Bulembo (CCM), amesema Waziri wa Mifugo na Uvuvi, Luhaga Mpina ana mpango maalumu wa kuiondoa Chama Cha Mapinduzi (CCM), madarakani.

Akichangia bajeti ya wizara hiyo kwa mwaka wa fedha 2018/19, Bulembo amesema kama operesheni sangara inayofanyika katika Ziwa Victoria ikiendelea CCM itakuwa na wakati mgumu wa kuwaomba kura wananchi katika Uchaguzi Mkuu na Serikali za mitaa unaotarajia kufanyika mwakani.

“Kuna haja operesheni hiyo isimame ili kuwaokoa wavuvi ambao wanaathiriwa na operesheni hiyo,” amsema Bulembo.

Bulembo amemwomba Spika wa Bunge, Job Ndugai kuunda Tume ya kwenda kuchunguza operesheni hiyo kwani wavuvi wanaishi nchini kama watumwa.

 “Wizara hii kwa kweli tuna majonzi sana, nashukuru Mheshimiwa Spika umekaa hapo mbele, ni vyema ukaunda tume ya Bunge kwenda kuangalia matatizo na madhara yaliyowakuta wafugaji na wavuvi.”

Bulembo akichangia kwa hisia  amesema: “Wavuvi wa Tanzania wako katika utumwa kwa sababu ukienda Ukerewe (anataja na visiwa mbalimbali)  maisha yao ni uvuvi, hawa watu leo ni kilio, si kilio kidogo ni kikubwa, watu wamejinyonga, wamepigwa risasi.

“Wana CCM wenzenu, tutakwenda kuomba kura, tutakwendaje kuomba kura, haiwezekani utu wa mtu ukaharibika kwa sababu Mpina ni waziri, katika hili tume haipukiki, CCM ni ya watu, Rais anaongelea wanyonge, wanyonge wa Mafia, Mtwara, kanda ya ziwa.

“Mnakwendaje kuomba, Mtanzania anakuwa mtumwa, wafanyakazi wanalia, wakulima wanalia, itawezekanaje, Mpina huwatendei haki.”

BASHE: BAJETI IONDOLEWE, IMEJAA KASORO


SeeBait
Mbunge wa Nzega Mjini, Hussein Bashe (CCM), ameitaka serikali iiondoe bungeni Bajeti ya Wizara ya Mifugo na Uvuvi ya mwaka 2018/19, kwa sababu imejaa kasoro zinazotakiwa kurekebishwa kabla haijapitishwa.

Amesema bajeti hiyo inatakiwa kurekebishwa kabla haijapitishwa kama ilivyo kawaida ya wabunge kupitisha bajeti zenye kasoro kama ilivyofanyika juzi katika bajeti ya Wizara ya Kilimo iliyokuwa na kasoro mbalimbali.

Bashe ameyasema hayo bungeni leo Mei 18, alipokuwa akichangia bajeti ya Wizara ya Mifugo na Uvuvi ya mwaka 2018/19 iliyowasilishwa juzi na Waziri wa Wizara hiyo, Luhaga Mpina.

Amesema hoja za baadhi ya wabunge zinazohusu maisha ya wananchi zinafia katika vikao vya vyama vya siasa.

“Naweza kuonekana mbaya kila ninapokuwa nikiikosoa serikali  lakini nitaendelea kusema ukweli kwa kuwa nilianza kuwa na kadi ya CCM kabla sijawa mbunge,” amesema Bashe.

Bashe alieleza jinsi Mbunge wa Mtama, Nape Nnauye alivyowahi kuitwa na Kamati ya Bunge ya Uongozi baada ya kutaka kuwasilisha hoja ambayo haikuwafurahisha baadhi ya watu.