BREAKING NEWS:UKAWA WAWASHA MOTO, WAIJIBU HOTUBA YA RAIS KIKWETE, WAAZIMIA KUANDAMANA NCHI NZIMA KUPINGA UFISADI

Pichani ni Mwenyekiti wa Chama cha Wananchi CUF Profesa Ibrahimu Lipumba akizungumza na Waandishi wa Habari leo Jijini Dar es Salaam Picha na Exaudi Mtei.

Na Mwandishi Wetu

WAKATI bado kukiwa na vuguvugu la kashfa ya Escrow, sanjari na wananchi kutafakari hatua alizozichukua Rais Dkt.Jakaya Kikwete kuhusiana na kashfa ya Escrow kwa ujumla wake pamoja na mapendekezo ya Bunge kuhusu ufisadi wa zaidi sh. bilioni 200 kwenye akaunti ya Tegeta Escrow,umoja wa vyama vya upinzani maarufu kama Ukawa umemjibu Rais.

Umoja huo umesema kuwa Rais anahusika kwa kiasi kikubwa kwenye sakata hilo hasa kwa kitendo chake cha kumtetea mmiliki wa  kampuni ya Indepent Power Solution Limited , IPTL  Harbnder Singh.

Kutokana na kutoridhishwa na maamuzi hayo ya Rais Ukawa umeazimia  kufanya maandamano nchi nzima kupinga ufisadi huo ambao wanadai 'unalindwa' kiaina na Rais Kikwete.

 

Kauli hiyo ya Ukawa imetolewa leo  Jijini Dar es Salaam na Mwenyekiti wa Umoja huo wakati mkutano ulioitishwa na Ukawa,Prof.Lipumba pia ni Mwenyekiti wa CUF.

Profesa Lipumba aliongeza kusema inasikitisha kuona Rais Kikwete ameacha kulitetea Shirika la Umeme Tanesco na kuwatetea "matapeli" wa IPTL ambao wameliongizia shirika hilo hasara la mabilioni ya fedha 

“Hutuba ya Rais Kikwete imekuwa mtetezi mkubwa wa mmiliki wa PAP,anaacha kulitetea shirika la umma na kusema kuwa  pesa za IPTL si za Umma hivi anashindwa hata kuielewa Ripoti ya Mkaguzi Mkuu wa Serikali CAG  ambayo inaonyesha wazi kwamba wamiliki hawa wamefanya 'utapeli'wa wazi kabisa katika umiliki wake? alihoji

   

Profesa Lipumba alidai hata maazimio yanayotokana na taarifa ya CAG yanaonyesha wazi kuwa PAP siyo mmiliki wa halali wa hisa za Kampuni ya Mechmar lakini Rais Kikwete hakuliona hilo.

Pichani ni Dkt. Wilbroad  Slaa Katibu Mkuu wa Chadema akizungumza katika mkutano huo leo Jijini Dar es Salaam

     Kwa Upande wake Katibu  Mkuu wa Ukawa ambaye pia ni Katibu Mkuu wa Chama cha Demokrasia na Maendeleo CHADEMA Dkt. Wilbroad Slaa amesema Umoja huo umepanga kuzunguka nchi nzima kufanya maandamano  kupinga kile wanachodai Rais Jakaya Kikwete kuwalinda mafisadi.

       

Dkt. Slaa aliongeza kuwa kitendo cha Rais Kikwete kuwatetea wamiliki wa kampuni ya IPTL ni ishara kuwa Rais ana uhusiano na watuhumiwa hao.

    

James mbatia,Mwenyekiti wa NCCR Mageuzi

Naye Mwenyekiti NCCR Mageuzi James Mbatia alidai kutoridhishwa na hatua zilizochukuliwa na Rais katika sakata hilo huku fedha za wananchi zikipotea na wabunge kutolipwa mishahara yao kwa wakati.

        Umoja huo unaundwa na vyama vya  Vyama CHADEMA,CUF ,NCCR na  NLD.