NANI MKALI DAR LIVE JUMAMOSI HII

Jumamosi hii ya Juni 4 mbona ‘Kitanuka’ Dar Live! Ni usiku wa nani mkali kutoka kwa mastaa wa taarab, bongo fleva na singeli.

Ni onyesho kubwa la na mwisho kabla kuelekea mapumziko ya mwezi mtufu wa Ramadhan ambapo Isha Mashauzi akiwa na kundi zima la Mashauzi Classic atapanda jukwani na Snura, Roma Mkatoliki, Sholo Mwambana Man Fongo.

Msemaji wa ukumbi wa Dar Live,Juma Mbizo amesema onyesho hilo la kipekee limezingatia muziki wa kila nyanja ili kuleta ladha isiyochuja mwanzo hadi mwisho wa onesho hilo.

Mbizo amesema kupitia onyesho hilo mashabiki watajionea wenyewe ni muziki upi wenye nguvu zaidi kati ya taarab, bongo fleva, singeli na hata rumba kutokana na ukweli kuwa Isha Mashauzi mbali na taarab lakini pia ana ngoma zake kali za muziki wa rumba.

Naye Isha Mashauzi amesema atalitendea haki onyesho hilo hasa kutokana na ukweli kuwa hajapanda jukwaa la Dar Live kwa takriban miaka miwili na hivyo hiyo ni nafasi pekee ya kukata kiu ya mashabiki wake ya watakaofika kwenye ukumbi huo mkubwa zaidi wa burudani ulioko maeneo ya Mbagala jijini Dar es Salaam.