KUTOKA UTT-AMIS-UNAZIFAHAMU FAIDA ZA UWEKEZAJI WA VIPANDE? ENDELEA KUSOMA ...

Mkurugenzi wa Masoko na Uhusiano wa UTT-AMIS, Daud Mbaga akizungumza katika moja hafla za taasisi hiyo

Swali: Ni  fursa gani nyingine Mtanzania anazipata kwa Uwekezaji huu wa vipande unaofanywa na UTT-AMIS?

Jibu:Fursa ya kwanza kubwa ni kwamba mwekezaji anafaidika na ukuaji wa fedha zake na gawio la fedha kwa wale waliowekeza  katika mfuko ambao hutoa gawio. Vilevile mwekezaji anakuwa amejiwekea akiba ya fedha zake ili aweze kufanya uwekezaji anaohitaji. Lakini vipande pia vinaweza kutumika kama dhamana na kumuwezesha mwekezaji kapata mkopo kutoka katika taasisi za kifedha kwa wale watakao hitaji kufanya hivyo. Pia kuna mfuko kama Mfuko wa Wekeza Maisha ambao unatoa faida pacha za kukuza mtaji na faida za bima.Katika mfuko huo wawekezaji hunufaika kwa bima za maisha,ulemavu wa kudumu na ajali kwa gharama nafuu sana ambapo ni vigumu kupata katika masoko ya kawaida ya bima. Vilevile inawapa fursa ya watanzania wengi zaidi kushiriki katika uwekezaji katika masoko ya fedha na mitaji.