UTAFITI:KILIMANJARO INAONGOZA KWA MATUMIZI YA POMBE ZA VIROBA

Utafiti mpya umebaini kuwa wakazi wa Mkoa wa Kilimanjaro wanaongoza kwa unywaji wa pombe  hasa ya  viroba,  ikiwa ni mara nne zaidi ya wakazi wanaokunywa pombe katika mikoa ya Mwanza na Geita.

Katika utafiti huo uliofanywa na Taasisi ya Taifa ya Utafiri wa Magonjwa ya Binadamu (NIMR) kupitia mradi wa Strive ulibaini kuwa idadi kubwa ya wanaokunywa pombe ni vijana wenye umri wa kati ya miaka 15 hadi 24.

Utafiti huo wa NIMR ulilenga kujua ukubwa wa Matumizi ya Pombe kwa vijana  katika mikoa ya  Kilimanjaro, Mwanza, Geita na Kahama umebaini kuwa mkoa wa Kilimanjaro unaongoza  kwa unywaji wa pombe kwa vijana wenye umri kutokana na utamaduni uliopo mkoa huo.

Akitoa matokeo ya utafiti huo uliopewa jina la  ripoti ya utafiti wa ukubwa wa matumizi ya pombe nchi, Dar es Salaam,  Mtafiti wa NIMR Dk  Saidi Kapiga  alisema  hapa nchini matumizi ya pombe ni makubwa na wanaume wanaongoza kwa kunywaji wa pombe kuliko wanawake licha ya  kuwa na madhara kwa watumiaji.

 “Hapa nchini matumizi ya kiwango cha pombe ni makubwa na wanaume wanaongoza kwa utumiaji wa pombe kwa asilimia 25 hadi 30 ikilinganishwa na wanawake ambao ni asilimia 8 hadi 15 na hii ni kwa mujibu wa utafiti uliofanywa na wizara ya afya na ustawi wa jamii miaka miwili iliyopita”alisema Dk Kapiga.