MKUU WA WILAYA YA BAGAMOYO AREJESHA HEKARI 900 KUTOKA KWA WAWEKEZAJI

Na Mwamvua Mwinyi,Bagamoyo

Mkuu wa wilaya ya Bagamoyo Majid Hemed Mwanga, amerudisha heka 900 kwa wananchi, zilizokuwa zinamilikiwa na wawekezaji bila ya kufuata sheria ya umiliki Ardhi, katika kijiji cha Pongwe Msungura kata ya Msata.

Uamuzi huo aliutangaza katika mkutano wa hadhara ulioitishwa kijijini hapo ili kujadili kero mbalimbali za wananchi.

Kati ya keri zlizojadiliwa ni pamoja na tuhuma za ubadhilifu wa fedha kwa viongozi wa Halmashauri ya kijiji hicho na kufanya maamuzi ya kugawa Ardhi bila ya kufikisha taarifa kwenyemkutanomkuu wa kijiji.

Majid alisema wawekezaji hao wawili ambao kila mmoja anadai  kumiliki heka 500 hali ya kuwa taratibu za kisheria hazijafutwa, huku wananchi wa kijiji cha Pongwe Msungura ambao ndio wajumbe wa mkutano mkuu wa kijiji,walithibitisha kupitisha umiliki wa heka 50 peke.

Wananchi hao walisema hawatambui umiliki wa heka 500 kila mmoja kwa wawekezaji hao.

Kufuatia hali hiyo Mkuu wa wilaya aliwataka wawekezaji hao kutoa maelezo namna walivyopata maeneo hayo ambapo walionyesha mihutasari ya kijiji ambayo imewapitishia kumiliki heka 500 kila mmoja. Ili kujiridhisha na mihutasari hiyo, mkuu wa wilaya alilazimika kusoma muhutasari wa tarehe 08 julai 2013 unaodaiwa kuandaliwa na mkutano wa kijiji ili kupitisha heka 500 kwa muwekezaji.

Alitaja jina moja baada jingine ambapo wananchi  wote waliukataa muhutasari huo kwamba hawaujui.

Baada ya hali hiyo, mkuu wa wilaya aliamuru kila muwekezaji kurudisha heka 450 na kubaki na 50 kama walivyopitishiwa na mkutano wa kijiji  na hivyo kufanikiwa kurudisha heka 900 kwa wananchi.

Baada ya kasoro mbalimbali zilizobainika katika mkutano huo, wajumbe wa Halmashauri ya kijiji walipiga kura ya kumuondoa mwenyekiti wa kijiji hicho Mbaraka Rajabu Mwelekwa.

Hata hivyo baada ya siku 90 mkurugenzi ataitisha mkutano utakaomchagua mwenyekit mpya wakijiji cha Pongwe Msungura .