UONGOZI MBULU WATAKIWA KUFATILIA MIKATABA YA WANARIDHA

Na Anitha Jonas – MAELEZO, MBULU

…………………………………………………

Uongozi wa Wilaya ya Mbulu watakiwa kufuatilia Mikataba ya wanariadha wa nao chukuliwa na vya watu binafsi kwa ajili ya kuwapeleka katika mashindano ya Kimataifa

Kauli hiyo imetolewa leo  Mjini Mbulu na Naibu Waziri wa Habari,Utamaduni,Sanaa na Michezo Mhe.Anastazia Wambura alipofanya ziara ya kikazi wilayani hapo kukutana na wanariadha kujadili changamoto zao na kupata ushauri wa nini kifanyike kuboresha michezo hiyo.

“Ninataka kuona wanariadha wa kitanzania wanafanikiwa na kkuwa na maendeleo ya kiuchumi  illikuona faida ya kufanya mchezo huo pamoja na kuwapa motisha  vijana wadogo kuipenda riadha msiwe ni watu wa kubaki na medali tu  bila kuonyesha faida mliyopata kutokana na Medali hiyo”,alisema Mhe.Wambura.

Naibu Waziri Wambura  aliendelea kusema Wilaya ya Mbulu imejaliwa kuwa na vipaji vya kipekee katika riadha na serikali imejipanga kuhakikisha wanariadha nchini wanapata kuwa na maendeleo ya kiuchumi na kufanya watu  heshimu michezo hiyo na kuona thamani yake kama ilivyo kwa nchi za nje.

Kwa upande wa Mwaanariadha wa zamani aliyena sifa kubwa katika rekodi za Dunia Mzee John Stephen Akhwari alisema Mchezo wa riadha umekuwa ukiletea sifa nchi lakini umeingiliwa na changamoto ya watu hao wanaochukua vijana na kuwapeleka nje ambapo katika Mashindano na wanaposhinda kuwaibia pasibo wao kujua kutokana na uelewa mdogo wa masuala ya kiuchumi.

Akiendelea kuzungumza Bw.Akhwari aliiomba serikali kutafuta wadau watakao jenga uwanja wa michezo wilayani hapo pamoja kwa ajili ya kukuza vipaji hivyo vya riadha vilivyoko wilayani hapo na sababu kubwa ya kujenga uwanja huo katika eneo hilo ni hali ya hewa ya ubaridi  ni nzuri kwa mchezo huo.

Pamoja na hayo naye Mkuu wa Wilaya ya Mbulu Bw.Chelestino Mofuga alisema wako tayari kuhakikisha wapo tayari wanariadha hao wanapata faida kutokana ushindi wanaoupata katika mashindano mbalimbali wanayoshiriki.

Hata hivyo wanamichezo hao wa mbulu wamepewa angalizo la kutojaribu kutumia madawa ya kuongeza nguvu katika michezo kwani ni kinyume na maadili ya michezo.