JE MAALIM SEIF KUTINGA MAKAO MAKUUU YA CUF PALE BUGURUNI LEO ASUBUHI?

 Na Barnabas Lugwisha

 Hivi karibuni kumeripotiwa mvutano baina ya vingunge wawili wa CUF, Mwenyekiti wa CUF aliyejiuzulu na kurejea tena katika nafasi yake Profesa Lipumba na Katibu Mkuu wake Maalim Seif Hamad ambaye anasema kwamba hamtambui Lipumba kama Mwenyekiti wa CUF.

Mvutano huo baina ya vigogo hao umesababisha hatimaye Lipumba kuvuliwa uanachama baada ya kudaiwa kukiuka Katiba ya CUF wakati huo huo Lipumba akisema kikao kilichofanyika Zanzibar na kumvua uanachama si halali.

Vuta ni kuvute hiyo imesababisha mpasuko ndani ya CUF. Jana Katibu Mkuu wa CUF Maalim Seif alisema atatinga ofisini hapo leo asubuhi pamoja na timu yake kuendelea na kazi za chama , upande mwingine Lipumba akimwita Maalim Makao Makuu ya Chama hicho Buguruni ili ampangine kazi nyingine, ni matumani yangu kuwa vyombo vya dola vitaingilia mgogoro huo hasa wa ujio Seif na timu yake ili kusiwepo umwagaji wa damu leo pale Buguruni.

Viongozi hao wawili watambue kwamba hakuna amani wala maridhiano yatakayopatikana nje ya meza ya mazungumzo.