MSD YAPATA FORKLIFT SITA KUTOKA GLOBAL FUND

Bohari ya Dawa (MSD) hii leo imekabidhiwa mashine za kupandishia mizigo juu na kushusha (Forklifts) sita, zenye gharama ya shilingi za Kitanzania Milion 531. 8, ambazo zimetolewa msaada na Mfuko wa Kimataifa wa Global Fund kupitia Shirika la Marekani la Ushirikiano wa Kimataifa (USAID).

Msaada huo ni sehemu ya awamu ya pili ya maboresho ya maeneo ya kuhifadhia dawa ya MSD ualiyokuwa yakifanywa na Global Fund, ikiwa ni pamoja na upanuzi wa maghala ya kisasa yaani WiB ya MSD Makao makuu, Dodoma naMbeya, na ujenzi wa maghala ya Kisasa MSD kanda yaTabora na Kituo cha mauzo Tanga.

Wakizungumza katika makabidhiano hayo, katika utekelezaji wa awamu ya mwisho ya upanuzi na ujenzi wa maghala ya kisasa yanayojulikana kama Warehouse in -a –box, mashinehizo (forklifts), Naibu Mkurugenzi Mkazi wa JSI/SCMS Marasi Mwencha amesema fedha hizo ni zilezilizosalia kutoka kwenye ujenzi wa maghala ya kisasa ya MSD, ambapo walikubaliana na menejimenti ya MSD kununulia forklift.

Kwa upande wake Mkurugenzi Mkuu wa MSD Bwana Laurean Bwanakunu amewashukuru wa hisani hao kwa mashine hizo ambazo ni za gharama, na kueleza kuwa mashine hizo zitapelekwa kwenye kanda za MSD zenye uhitaji. Hata hivyo ameeleza kuwat ayari MSD ina Kiwanja maeneo ya Luguruni, wilayani Ubungo jijini DSM,kwa ajili ya kujenga ofisi na ghala la kisasa kwa Kanda ya DSM hivyo wanategemea kuendelea kushirikiana na wa hisani kwa ajili ya ujenzi pindi taratibu zitakapokamilika.